Lagar Pedregales
A nosa adega
A adega Lagar Pedregales foi fundada en 1991 en Figueiró, seguindo unha traxectoria familiar e elaborando unicamente con uva propia. Hoxe en día a nosa adega xa vai pola terceira xeración familiar, sendo así Alba Martínez, licenciada en Enoloxía e neta do fundador Mario Guerreiro Carnero, quen dirixe cada paso da elaboración.
Tradicional albariño
Os viñedos están situados en Figueiró, pertencendo á subzona de O Rosal, en pleno corazón da D.O. Rías Baixas. As cepas son de tradicional albariño de gran pequeno e están coidadas con especial esmero para a obtención deste excelente viño varietal de calidade.
Elaboración
A elaboración realízase conxugando métodos artesanais, sen renunciar por iso ao máis sofisticado proceso de fermentación controlada.
Numerosos premios
Debido ao longo camiño profesional e ao grande esforzo e agarimo por facer dos nosos viños os máis especiais, desde 1991 recibimos numerosos premios, gañando así as Catas do Albariño de Cambados e Acios de prata nas Catas de Galicia durante anos consecutivos.